हुम्ला । गएरातीदेखि कर्णालीका उच्च हिमाली जिल्लाहरुमा हिमपात भएकाे छ । कर्णाली प्रदेशका हुम्ला, जुम्ला, कालीकाेट, जुम्ला, मुगु र डाेल्पा जिल्लाका उच्च हिमाली भेगहरुमा हिमपात भएकाे हाे । तर हुम्लाकाे सदरमुकाम सिमकाेट समेत हिमपात भएको छ ।

याे पनि पढ्नुहाेस् : पश्चिम नेपालको मौसममा गडबडी, वर्षा र चट्याङ पर्ने सम्भावना

हिमपात भएपछि हुम्ला लगायतका हिमाली जिल्लाहरुमा जनजीवन प्रभावित बनााएको छ । हिमपातले चिसाे बढेपछि स्थानीयवासी घर बाहिर निस्कन सकेका छैनन । सिमकोटमा तापक्रम ८ डिग्री माइनसमा झरेको छ ।

नाम्खा गाउँपालिकाको लिमीमा एक फिटभन्दाबढी हिउँ जमेको नाम्खा गाउँपालिका वडा नम्बर ६ का वडाअध्यक्ष पाल्जोेर तामाङले जानकारी दिए । हिमपात सुरू भएपछि लिमिलेलाई सदरमुकाम सिमकाेट आवतजावत समस्या हुने वडाध्यक्ष तामाङकाे भनाइ छ ।

जिल्लाको उत्तरी नाम्खा गाउँपालिकामा हिमपातले गाईवस्तु, याक चौरीलाई समस्या भएको त्यस क्षेत्रका स्थानियले बताएका छन् । हिमपातले चिसो बढेसँगै तिहाराको अन्तिम दिन भाईटिकामा टिका थाप्न जान समस्या भएको स्थानीय बताउँछन् ।