सुर्खेत । सुर्खेतका एक कोरोना संक्रमित पुरुषको बाँकेमा मृत्यु भउको छ । नेपालगञ्जस्थित भेरी अस्पतालमा उपचारका क्रममा सुर्खेतको वीरेन्द्रनगर–१३ का ५५ वर्षीय पुरुषको मृत्यु भएको हो ।

सोमबार बिहान सात बजे उपचारका क्रममा उनको मृत्यु भएको अस्पतालले जनाएको छ । स्वास्थ्यमा समस्या देखिएपछि पुस १८ गते कोरोना परीक्षण गरिएकोमा त्यसको भोलिपल्ट उनमा संक्रमण पुष्टि भएको थियो । संक्रमण पुष्टि भएकै दिन उनी अस्पतालमा भर्ना भएका थिए ।

यस्तै सोमबार नै दाङका ३९ वर्षीय कोरोना संक्रमित पुरुषको भेरी अस्पतालमा उपचारका क्रममा मृतयु भउको छ । आईसीयू कक्षमा उनी भर्ना भएका थिए । पुस २१ गते कोरोना परीक्षण गरिएकोमा त्यसको भोलिपल्ट उनमा संक्रमण पुष्टि भएको थियो । सोमबार दिउँसो १२ः१० बजे उनको मृत्यु भएको हो ।