सुर्खेतमा १५ जनाको पीसीआर गर्दा १० मा संक्रमण पुष्टि

सुर्खेत– सुर्खेतमा पुनः कोरोना भाइरस संक्रमणको त्रास बढेको छ। पछिल्लो २४ घण्टामा १५ जनाको पीसीआर परीक्षण गरिएकोमा १० जनामा संक्रमण पुष्टि भएको छ।

जिल्ला जनस्वास्थ्य कार्यालय सुर्खेतका प्रमुख चेतननिधि वाग्लेका अनुसार संक्रमित सबै वीरेन्द्रनगरमै बसोबास गर्छन्। उनीहरुमध्ये धेरैजसो दैलेख र काठमाडौंबाट सुर्खेत फर्किएका हुन्। केही संक्रमित भने वीरेन्द्रनगरमै कार्यरत सुरक्षाकर्मी हुन्।

संक्रमितको स्वास्थ्य अवस्था सामान्य छ। उनीहरुलाई होम आइसोलेसनमै बस्न आग्रह गरिएको छ। उनीहरुमा कोरोनाको कुनै लक्षण छैन।


error: Alert: Content is protected !!