अमेरिकाको न्यु मेक्सिकोमा एकजना मानिस सुपरमार्केटमा सामान किनेर फर्किंदा माहुरीहरूको झुण्डले कारमा आक्रमण गरेका छन् ।
उनको कारमा १५ हजार माहुरीहरू आइपुगेका थिए ।
कारको शीशा खुलै भएपछि माहुरीहरू भित्र पसेका थिए ।
घटना सोमवार दिउँसो चार बजे भएको लास क्रुसेस डिपार्टमेन्टले लेख्यो ।
लास क्रुसेसका एक अग्निनियन्त्रक जेस्सी जोनसन माहुरीपालक पनि हुन् र उनले माहुरीको झुण्डलाई आफ्नो घरतिर लगे ।
उनी माहुरी नियन्त्रण गर्ने औजारहरू लिएर आए अनि दुई घन्टा लगाएर माहुरीलाई सारे ।
सुपरमार्केटका एक सुरक्षागार्डलाई माहुरीले चिलेको थियो ।
नेपालीरैबार । २०७७ चैत्र २०, शुक्रबार