सुर्खेत । जाजरकोटबाट फरार प्रतिवादी पक्राउ परेका छन् । जिल्ला अदालत जाजरकोटबाट २ महिना कैद र  १ हजार ६ सय ६७ रुपैयाँ जरीवाना तोकिएको रुकुम पश्चिम आठविसकोट नगरपालिका-९ बस्ने २५ वर्षका मिलन परियारलाई विहिबार प्रहरीले पक्राउ गरेको हो ।

अपराधिक उपद्रव मुद्दाका फरार प्रतिबादी परियारलाई जिल्ला प्रहरी कार्यालय जाजरकोट र ईलाका प्रहरी कार्यालय आठविसकोट रुकुम पश्चिमबाट खटिएको प्रहरी टोलिले घरबाट पक्राउ गरेको जनाएको छ ।

उनलाई जिल्ला अदालत जाजरकोटमा पेश गरि आजै जिल्ला कारागार कार्यालय जाजरकोटमा चलान गरिएको कर्णाली प्रदेश प्रहरी कार्यालयले जनाएको छ ।