सुर्खेत । वीरेन्द्रनगरमा एक जना महिलाको शव फेला परेको छ । वीरेन्द्रनगर नगरपालिका–१, को बांगेसिमल प्रहरी बिट भन्दा एक किलोमिटरको दुरीमा सुख्खा खोलामा उक्त शव फेला परेको हो । यद्यपि उक्त शव अहिलेसम्म पहिचान भने हुन नसकेको प्रहरीले जनाएको छ ।

पिंक कलरको कुर्ता लगाईको ती महिलाको शव सडिसकेको अवस्थामा फेला परेको बांगेसिमल प्रहरीले जनाएको छ । ‘स्थानीय महिलाहरु घाँस काट्न गएको बेला फेला पारेर हामीलाई खबर गरेका थिए,’ प्रहरी चौकी बांगेसिमलका प्रहरी वरिष्ठ हल्दार अर्जुन पाण्डेले नेपाली रैबारलाई भने, ‘लामो कपाल र कुर्ताबाट महिला हो भन्ने थाह भयो तर, कति बर्ष उमेर समुहको हो वा कसको हो भन्ने पहिचान गर्न सकिने अवस्था छैन ।’