सुर्खेत । कालिकोटमा ट्याक्टर दुर्घटना हुँदा चालकको मृत्यु भएको छ । आइतबार बेलुका कालिकोटको रास्कोट नगरपालिका–५, आरसिपी बजार नजिकै फुकोटतर्फ जाँदै गरेको भे २ त २६१२ नम्बरको ट्याक्टर दुर्घटनामा परेको हो ।

प्रहरीका अनुसार चिङ्गाड गाउँपालिकाका २७ वर्षीय वीर परियारको प्रदेश अस्पताल कालागाँउमा उपचारको क्रममा सोमबार बिहान मृत्यु भएको छ ।
यस्तै घाइते हुनेहरुमा कालिकोट रास्कोट नगरपालिका–५ का २२ वर्षीय प्रकाश तिरुवा, २२ वर्षीय नम सार्की रहेका छन् । उनीहरूको प्रदेश अस्पतालमा उपचार भइरहेको छ । ट्याक्टर सडकदेखि अन्दाजी एक सय मिटर तल खसेको थियो ।