काठमाडौं । राष्ट्रिय महिला फुटबल खेलाडी अन्जिला तुम्बापो सुब्बा सम्मानित भएकी छन्। याक्थुङ लिम्बुहरुको एक सामाजिक संस्था याक्थुङ युवा मन्च जिल्ला कार्यसमिति काठमाडौंले फुटबलको माध्यमबाट समाज र देशलाई पुर्याएको योगदानलाई उच्च मुल्याङ्कन गर्दै तुम्बापोलाई सम्मान गरेको हो।सम्मानित अन्जिला तुम्बापो सुब्बालाई नगद दश हजार, सम्मान(पत्र तथा लिम्बुहरुको मौलिक चिनारी सिलाम साक्मा प्रदान गरिएको थियो।

किरात याक्थुङ चुम्लुङ ललितपुरको सभाहलमा प्रमुख अतिथि राष्ट्रिय टिम तयारी निर्देशक महेन्द्र कुमार राईको हातबाट सम्मान ग्रहण गर्दै तुम्बापोले आफ्नो योगदानलाई कदर गर्दै सम्मानित हुन पाउदा खुशी भएको बताइन। साग रजत पदक विजेता तुम्बापो हाल आगामी महिना नेपालमै हुने साफ महिला च्याम्पियनसिप २०२२ को तयारीमा छिन्।

सोही कार्यक्रममा याक्थुङ युवा मन्च जिल्ला कार्यसमिति काठमाडौंले गतसाता आयोजित सिसेक्पा कप पुरुष फुटसल प्रतियोगिता २०७९ को बिजेता सेभेन वेएज फुटसल तथा उपविजेता याक्थुङ युथ एशोसिएसनलाई पुरस्कार बितरण पनि गरेको थियो।