जुम्ला । कोरोना संक्रमितहरुले जुम्लास्थित कर्णाली स्वास्थ्य बिज्ञान प्रतिष्ठानको आइसोलेसन कक्ष सरसफाइ गरेका छन् । आइसोलेसनमा रहेका हिमा गाउँपालिकाका संक्रमितको टिमले सोमबार दिउँसो आईसोलेसन कक्ष सरसफाइ गरेको हो ।
आइसोलेसनमा कोरोना संक्रमितहरु मात्र बस्ने र कर्णाली स्वास्थ्य बिज्ञान प्रतिष्ठानका कर्मचारी सरसफाइका लागि भित्र आउँदा कोरोना संक्रमण सर्न सक्ने जोखिम बढेकाे भन्दै स्वयम सक्रमितले नै आफु बस्ने ठाउँ सरसफाइ गर्न थालेका हुन् ।
आफुबाट प्रतिष्ठानका स्वास्थ्यकर्मीलाई काेराेना जोखिम नहोस भन्ने भावनाले आफै सरसफाइमा जुटेको प्रतिष्ठानको आइसोलेसनमै रहेका देविकृष्ण अधिकारीले बताए । उनले भने, ‘कोरोना निकै जोखिमपूर्ण सरुवा रोग रहे५ । यसबाट हामी सबै बच्नुछ । त्यसैले हामी आइसोलेसन सरसफाईमा जुट्यौ, तपाइँहरु पनि घरआगन सफा राख्नुहोस् ।’
हिमा गाउँपालिकाका २० जना संक्रमितले स्वयम आईसोलेसन कक्ष सरसफाई गरेका हुन् । कर्णाली स्वास्थ्य बिज्ञान प्रतिष्ठान जुम्लाको आइसोलेसनमा हिमा गाउँपालिकाका कर्मचारी, जन प्रतिनिधि, प्रहरी चौकी, बैंकका कर्मचारी तथा स्थानीय ब्याबसायीसहित २० जना रहेका छन ।
संक्रमित सबैले आइसोलेसन ब्यबस्थापन, खानपिन ब्यबस्थापनका लागि प्रभावकारी रुपमा काम गरेकाले कर्णाली स्वास्थ्य बिज्ञान प्रतिष्ठान, जिल्ला जनस्वास्थ्य कार्यालय, जिल्ला बिपद ब्यबस्थापन समिति लगाएत सरोकारवालाहरुले उनीहरुलाइ धन्यवाद दिएका छन ।
नेपालीरैबार । २०७७ भाद्र ८, सोमबार