सुर्खेत । सुर्खेतसहित आसपासमा ठूलो वर्षा भइरहेकाले उच्च सर्तकता अपनाउन जल तथा मौसम विज्ञान कार्यालय सुर्खेतले अनुरोध गरेको छ । भारतको बिहार र उत्तरप्रदेश आसपासमा बनेको न्यूनचापिय प्रणालीका कारण वर्षा भइरहेकाले सर्तकता अपनाउन कार्यालयले अनुरोध गरेको हो ।
बागमती, प्रदेश ५, कर्णाली र सुदूरपश्चिम प्रदेशका केही स्थानमा मेघगर्जनसहित भारी वर्षा हुने सम्भावना रहेको कार्यालयको प्रमुख विनोद पराजुलीले जानकारी दिए ।
उनकाअनुसार यो प्रणालीमा कम्तीमा दुई घण्टासम्म रहनेछ । खहरे खोलामा बाढीको बहाव बढ्न खतरा रहेकाले तटिय क्षेत्रका नागरिकलाई सजकता अपनाउन पराजुलीको आग्रह छ ।
‘यो प्रणालीका कारण वर्षासहित हावाहुरी र चट्याङ पर्ने सम्भावना पनि देखिन्छ’ पराजुलीले भने, ‘बादल पश्चिमहुँदै उत्तरतर्फ तिव्रगतिमा सर्ने क्रममा रहेकाले लामो समयसम्म रहदैन् तर केही घण्टासम्म ठूलै वर्षा हुने सम्भावना छ ।’
नेपालीरैबार । २०७७ भाद्र १०, बुधबार