रियाकाे समर्थनमा उत्रिए विद्या, सोनम, तापसी लगायतका कलाकार

नयाँ दिल्ली । बलिउड अभिनेता सुशान्तसिंह राजपुतको आत्महत्यापश्चात विभिन्न स्थानबाट उक्त आत्महत्या आत्महत्या नभई कसैले बाध्य बनाएर उठाउन लगाइएको कदम भन्दै छानबिनका लागि अपिल गरिएको थियो ।

त्यसमा सिबिआईलाई पनि छानबिनका लागि लगाइयो तर अनुसन्धान गर्दै जाँदा उनको आत्महत्या केसमा ड्रग्सले भुमिका खेलेको पाइयो । यसै अनुसन्धान क्रममा सुशान्तकी गर्लफ्रेन्ड एवम् बलिउड अभिनेत्री रिया चक्रवर्तीका भाई एनसिबी द्धारा पक्राउ परे, उनमा ड्रग्सको ओसारपसार गरेको आरोप थियो, जुन सहि साबित भयो ।

उनीसँगै अन्य व्यक्तीहरु पनि पक्राउमा परे । त्यसको केही दिन पछि मंगलबार ८ सेप्टेम्बरमा अभिनेत्री रिया पनि पक्राउमा परेकी छन् । उनलाई चौध दिन हिरासतमा राख्न आदेश दिइएको छ । उनको गिरफ्तारपछि बलिउडका नाम चलेका अभिनेत्रीहरुले रियाको लागी न्याय भन्दै अभियान चलाएका छन् । जसमा सोनम कपुर, दिया मिर्जा, विद्या बालन, तापसी पन्नु लगायतको सक्रियता रहेको छ ।

खासमा अभिनेत्रीलाई पक्राउ गर्दा उनले लगाएको कालो रंगको टिसर्टमा एक स्लोगन लेखिएको थियो जसमा गुलाफ रातो हुन्छ , भायोलेट निलो हुन्छ, पितृसत्तालाई तोडौ म अनि तपाइ मिलेर भनिएको थियो । कती कलाकारले उक्त कुरालाई सेयर गरेका छन् त कतीले भारतीय सञ्चारमाध्यमलाई अती भएको भनेका छन् ।

तपाईको प्रतिक्रिया