काठमाडौं । केही दिन पहिले भारतीय बजारमा लन्च भएको अप्रिलियाको नयाँ स्कुटर एसएक्सआर १६० को प्रि–बुकिङ खुलेको छ । नेपालका लागि अप्रिलियाको आधिकारिक वितरक दुगड ब्रदर्स एन्ड सन्सले सो स्कुटरको प्रि–बुकिङ खुला गरिएको बताएको छ ।
सो स्कुटर नेपाली बजारमा एक महिना भित्रै उपलब्ध हुने बताइएको छ । यसको मूल्य ४ लाख ९ हजार ९ सय रुपैयाँ हुने कम्पनी स्रोतले बताएको छ । सो स्कुटर ग्लोसी रेड, ग्लोसी ह्वाइट, मेट ब्ल्याक र मेट ब्लु गरी चार कलर अप्सनमा उपलब्ध हुनेछ ।
अप्रिलियाको सो म्याक्सी स्कुटर नेपाली बजारका लागि नयाँ प्रविधि सहितको हुनेछ । यसमा एफआई अर्थात फ्युल इन्जेक्सन र एबीएस अर्थात एन्टी लक ब्रेकिङ सिस्टम हुनेछ भने यो बीएस६ मापदण्डमा आधारित इन्जिन सहितको हुनेछ ।
जसले ७१०० आरपीएममा ११ पीएसको पावर जेनेरेट गर्छ । सो स्कुटरमा डिस्क ब्रेक र एडजस्टेबल रियर सस्पेन्सन पनि रहेको छ । साथै आरामदायक यात्राको लागि इर्गोनोमिक्स पनि रहेको छ ।
एरोडाइनामिक डिजाइन, फराकिला सुविधाजनक सिट, एलईडी प्रविधिसहितका क्रिस्टल हेडलाइट, एड्जस्टेबल मोनोसक एब्जर्बर आदि सुविधा भएको यो स्कुटरमा ७ लिटरको इन्धन ट्यांकी छ ।
नेपालीरैबार । २०७७ पुष २४, शुक्रबार