काठमाडौं । एनसेलले आफ्ना प्रिपेड ग्राहकलाई सुलभ दरमा भारतम कल गर्ने सुविधा दिएको छ। एनसेलले विन्टर अफरअन्तर्गत लोकल दरमा नै भारत कल गर्न पाइने गरी दैनिक र तीन दिने सहुलियत प्याक गरी दुईवटा भ्वाइस प्याकहरु ल्याएको छ।

यो अफर एनसेलले आफ्नो नयाँ अभियान ‘फास्ट फरवार्ड लाइफ’अन्तर्गत ल्याएको हो। यो अभियानले भविष्यको पुनः कल्पना गर्दै डिजिटल पावरका साथ छिटो अगाडि बढ्न अभिप्रेरित गर्दछ।

दैनिक भ्वाइस प्याकअन्तर्गत ग्राहकले करसहित मात्र २५ रुपैयाँमा भारतमा रहेका आफ्ना परिवारका सदस्य, साथीभाइ वा व्यापार व्यावसायका समकक्षीसँग कुनै पनि भारतीय नम्बरमा १० मिनेट कल गर्न सक्ने जनाइएको छ।

दैनिक प्याक सञ्चालनमा आएपछि २४ घण्टासम्म यसको समयसीमा रहनेछ। यो भ्वाइस प्याक खरिद गर्न ग्राहकले एस्ट्रिक्स १७११८ एस्ट्रिक्स ७ एस्ट्रिक्स १ ह्यास डायल गर्नुपर्नेछ।