सुर्खेत । कर्णाली प्रदेशमा थप ४१४ जनामा कोरोना संक्रमण पुष्टी भएको छ । आरटी पीसीआर र एन्टीजेन विधिबाट गरिएको परीक्षणमा ४१४ जनामा कोरोना पुष्टी भएको हो । पछिल्लो २४ घण्टामा ४७१ जनालाई आरटी पीसीआर र २७४ जनालाई एन्टीजेन विधिबाट परिक्षण गरिएको थियो ।

यसरी जाेखिम माेलेर संक्रमितकाे उपचार गर्छन स्वास्थ्यकर्मी भिडियाे

पछिल्लो २४ घण्टामा कर्णालीमा थप दुई जना कोरोना संक्रमितको मृत्यु भएको स्वास्थ्य सेवा निर्देशनालय सुर्खेतले जनाएको छ । योसँगै कर्णालीमा मृत्यु हुनेको संख्या ८० पुगेको छ । पछिल्लो २४ घण्टामा २४६ जनाले कोरोना संक्रमण जितेर घर फर्किएका छन् । कर्णालीमा हाल सक्रिय संक्रमितको संख्या ६८९ रहेको छ ।

यसैविच, शनिबार मुलुकमा कोरोनाभाइरसका ८,४१८ संक्रमित थपिएका छन् । स्वास्थ्य मन्त्रालयका अनुसार पछिल्लो २४ घण्टामा ५३ जनाको मृत्यु भएको छ । १८ हजार ३०४ नमुना एन्टीजेन र पीसीआर परीक्षण गर्दा ती संक्रमित थपिएका हुन् । ३३७० जना निको भएका छन् ।

सक्रिय संक्रमित संख्या ८३ हजार ४९३ पुगेको छ । कूल संक्रमित संख्या ३ लाख ८५ हजार ८९० पुगेको छ । कूल मृतक संख्या ३६३२ पुगेको छ ।