काठमाडौं । बलिउडका महानायक भनिने अमिताभ बच्चनले हालै ‘कौन बनेगा करोडपति–१३’ मा आफ्ना सन्तान अभिषेक बच्चन र श्वेता बच्चन सानो हुँदा उनीहरुसँग समय बिताउन नपाएकोमा अपसोस भएको बताएका छन् ।

अमिताभले नम्रता शाह नामकी सहभागीसँग उनका अभिभावकले उनको प्रत्येक निर्णयमा उनलाई साथ दिएको पनि बताए । उनले कोलकातामा जागिर छोडेर मुम्बई आउन चाहेका बेला अभिभावकले उनलाई सबैभन्दा बढी समर्थन गरेको पनि उनले बताए ।

पिताले गरे समर्थन :

अमिताभले भने, ‘म त कोलकातामा जागिर खाइरहेको थिएँ, कुनै कम्पनीमा । जब यता ९मुम्बई० आउन चाहेँ, सुरुमा निवेदन दिँदा अस्वीकार गरियो । त्यसपछि बुवाले ‘यदि कुनै घरमा छिर्नु छ र सबैतिरको झ्याल ढोका बन्द छन् भने भित्ता फोडेर छिर्नुपर्छ’ भन्नुभयो । त्यसपछि हामी भित्ता फोडेर नै मुम्बई पुग्यौं ।’

बच्चासँग समय बिताउन नपाएकोमा अफसोस  :

अमिताभले कामका कारण अभिषेक र श्वेताको बाल्यवस्थामा आफू सहभागी हुन नपाएको बताए । उनले भने, ‘मलाई सधैं यसमा दुःख लाग्छ । बिहान जब हामी काममा गइरहेका हुन्थ्यौं, उनीहरु सुतिरहेका हुन्थे । बेलुका कामबाट फर्किँदा पनि उनीहरु सुतिरहेका हुन्थे किनभने हामी अबेर राती घर फर्कन्थ्यौं । त्यतिबेला थोरै कष्ट भयो तर अब सबै समझदार भइसकेका छन् ।’

स्मरण रहोस्, सन् १९७० को दशकमा अमिताभ बलिउडका सबैभन्दा सफल कलाकारमध्ये एक थियो । उनले ुजंजीरु, दिवारु, शोलेु, मुकद्दरका सिकंदरु र डनु जस्ता हिट फिल्ममा काम गरेका छन् । यति बेला सन् १९७४ मा छोरी श्वेता र सन् १९७६ मा अभिषेक बच्चनको जन्म भएको थियो ।