काठमाडौं । नेपालको शान, संगीतको पहिचान भन्ने मूल नारालाई आत्मसात गर्दै नेपाल बेष्ट म्युजिक अवार्ड–२०२१ आयोजना हुने भएको छ । तुलसी मिडियाको आयोजनामा हुन लागेको सो अवार्ड कार्यक्रम असोज १८ गते काठमाडौंको चन्द्रागिरीमा हुने भएको हो ।
तुलसी मिडियाका अध्यक्ष तथा अवार्डका संयोजक नवराज भण्डारीले असोज १८ गते भव्य समारोहबीच म्युजिक अवार्ड आयोजना हुने बताए । उक्त अवार्ड समारोहमा नगद राशिसहित दुई पत्रकार सम्मानित हुने भएका छन्। दुई दशक लामो समयदेखि रंग पत्रकारितामा कलम चलाउँदै आएका पत्रकार लक्ष्मण सुवेदी र पत्रकार कुबेर गिरीलाई ‘पत्रकारिता सम्मान–२०२०’ बाट सम्मानित गरिने जानकारी आयोजक पक्षले दिएको छ।
अवार्डको ३६ वटा विधाको उत्कृष्ट पाँच मनोनयन लकडाउन अघि नै सार्वजनिक गरिएको थियो । नेपाली गीत संगीतलाई प्रवर्धन गर्दै नेपाली सांगीतिक क्षेत्रको चलायमान र क्रियाशीलतालाई यस अवार्डले अझ बढाउने आयोजक पक्षले विश्वास लिएको छ ।
नेपालीरैबार । २०७८ आश्विन ९, शनिबार