काठमाडौं । साताको कारोबारको तेस्रो दिन आज मंगलबार सुनको घटेको छ । नेपाल सुनचाँदी व्यवसायी महासंघका अनुसार सुन आज प्रतितोला २ सय रुपैयाँले घटेको हो । छापावाला सुन आज नेपाली बजारमा तोलामा ९२ हजार ३ सय रुपैयाँमा कारोबार भइरहेको छ ।

त्यस्तै तेजावी सुन आज तोलामा ९१ हजार ८ सय रुपैयाँमा कारोबार भइरहेको छ । यता चाँदी आज स्थिर रहेको छ । सोमबार तोलामा १२ सय ५० रुपैयाँमा कारोबार भइरहेको चाँदी आज पनि सोही मूल्यमा कारोबार भइरहेको महासंघले जनाएको छ ।