काठमाडौं । साताको कारोबारको अन्तिम दिन आज शुक्रबार सुनचाँदीको मूल्य वृद्धि भएको छ । नेपाल सुनचाँदी व्यवसायी महासंघका अनुसार सुन आज प्रतितोला ४ सय रुपैयाँले बढेको हो । छापावाला सुन आज नेपाली बजारमा तोलामा ९४ हजार ४ सय रुपैयाँमा कारोबार भइरहेको छ ।

यता तेजावी सुन आज तोलामा ९३ हजार ९ सय रुपैयाँमा कारोबार भइरहेको छ । त्यस्तै चाँदी आज प्रतितोला १५ रुपैयाँले बढेर तोलामा १२ सय ८५ रुपैयाँमा कारोबार भइरहेको महासंघले जनाएको छ ।