दैलेख । दैलेखमा प्रहरीले लागुऔषध सहित दुई जनालाई पक्राउ गरेको छ । जिल्ला प्रहरी कार्यालय दैलेखका अनुसार नारायण नगरपालिका ९ साँडुका २५ बर्षिय टोपेन्द्र रावत र भगवतिमाई गाउँपालिका १ बस्ने बिनय थापा नारायण नगरपालिका ९ स्थित पुरानो बजारबाट नियन्त्रणमा लिएको हो ।

नारायण नगरपालिका ९ स्थित पुरानो बजार क्षेत्रमा लागु औषधको कारोबार भईरहेको छ भन्ने गोप्य सुचनाको आधारमा उक्त क्षेत्रमा निगरानी गर्ने क्रममा दुवै जनालाई पक्राउ गरिएको दैलेख प्रहरी प्रमुख डीएसपी भुवनेश्वर प्रसाद शाहले बताए । पक्राउ परेका दुवै जनाको साथबाट २९० एमजी पलाष्टिक बाहेकको तौल १३८ एमजी ख‌ैरो हिरोइन फेला परेको डीएसपी शाहले जानकारी दिए ।