काठमाडाैं । साबिक विजेता चेल्सी च्याम्पियन्स लिगको क्वार्टर फाइनलबाट बाहिरिएको छ । पाँच गोलको थ्रिलरमा रियल म्याड्रिडलाई उसैको घरेलु मैदानमा ३-२ गोल अन्तरले पराजित गरे पनि चेल्सी समग्रमा ४-५ गोलअन्तरले पराजित भएको हो ।

पहिलो लेगमा १-३ गोलले पछि परेको चेल्सीले मंगलबारको खेलमा उत्कृष्ट प्रदर्शन गरेको थियो । मेसन माउन्टले खेलको १५ औँ मिनेटमा नै टोलीलाई अग्रता दिलाएका थिए । दोस्रो हाफको सुरुवातमा एन्टोनियो रुडिगरले गोल गर्दै समग्रमा खेल बराबरी गरे ।

७५ औँ मिनेटमा टिमो वेर्नरले तेस्रो गोल थप्दै चेल्सीको पुनरागमन पूरा गरे । तर, ८० औँ मिनेटमा रोड्रिगोले गोल गरेपछि खेल पुनः ४-४ को बराबरीमा पुग्यो । त्यसपछि अतिरिक्त समयको ९६ औँ मिनेटमा करिम बेन्जेमाले गोल गर्दै रियललाई जीत दिलाए ।