काठमाडौँ । सुनको मूल्य मंगलबार तोलामा ९ सय रुपैयाँले घटेको छ ।

यस दिन छापावाल सुनको मूल्य प्रतितोला ९९ हजार ३ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । त्यस्तै, तेजाबी सुन ९८ हजार ८ सय रुपैयाँमा कारोबार भइरहेको छ ।

यसअघि सोमबार छापावाल सुनको मूल्य तोलाको १ लाख २ सय रुपैयाँ र तेजाबी सुनको मूल्य तोलाको ९९ हजार ७ सय रुपैयाँ रहेको थियो ।

मंगलबार चाँदीको मूल्य भने स्थिर रहेको छ । यस दिन चाँदी प्रतितोला १ हजार ३ सय ५० रुपैयाँमा कारोबार भइरहेको छ ।