सुर्खेत । लामो समयदेखि सुर्खेतमा रहेर पत्रकारिता गर्दै आएका पत्रकार पुनम बिसीको उपन्यास सार्वजनिक भएको छ । पत्रकार महासंघ सुर्खेत शाखाको स्थापना दिनको अवसर पारेर विसीले उपन्यास ‘रमा’ विमोचन गरेका हुन् ।

विसीको यो पहिलो उपन्यास हो । उनले ‘रमा’ मा एउटा नारीलाई पात्रको रुपमा उतारेका छन् । उनले भने,‘ विशेषगरि कर्णालीका सबैजसो जिल्लाहरुमा रगत अभाव न्यूनीकरणका लागि तत्काल रगत उपलब्ध गराउन सञ्चालनमा ल्याइएको ‘कर्णाली ब्लड एड’ नामक मोबाइल एप्स सञ्चालनार्थ यो उपन्यास समर्पित छ ।’

उनका अनुसार रमा एक सशक्त नारीको आत्मकथा हो । कर्णालीका नारीहरुले आफ्नो जीवनमा भोग्नुपरेका कथा, व्यथाहरु यसमा समेटिएको उनको भनाइ छ ।