सुर्खेत । चार दिनदेखी हराइएकी एक बालिकाको शव फेला परेको छ । जिल्लाको गुर्भाकोट नगरपालिका–५ धारापानी घर भएकी अन्दाजी ७ वर्षीय बालिका ग्रीस्मा विकको मृत अवस्थामा शव फेला परेको हो ।
नेपाली काँग्रेसको वडा नम्बर ५ ले आयोजना गरेको कार्यक्रममा शनिवार हजुरआमासँगै सहभागी विक सोही दिन हराएको जानकारी आफन्तले दिएको जिल्ला प्रहरी कार्यालय सुर्खेतका प्रवक्ता एवम् डिएसपी रामप्रसाद घर्तीले नेपालीरैबारले जानकारी दिए । उनकाअनुसार बालिकाको शव विकको घरदेखी एकसय मिटरको दुरीमा आज विहान फेला परेको हो ।
आफन्तले शुरुमा बालिका अन्य आफन्तकाे घर गएकाे हुनसक्ने अनुमान गरेपनि खाेज्दै जाँदा नभेटिएपछि साेमबार मात्रै प्रहरीलाई खवर गरेकाे गुर्भाकाेट नगरपालिका वडा नम्बर ५ का वडाध्यक्ष लालबहादुर पुनले बताए ।
घटनाबारे अनुसन्धान गर्न ईलाका प्रहरी कार्यालय छिन्चुको टोली घटनास्थल पुगेको छ । बालिकाको मृत्युको कारण नखुलेपनि घटनामा संलग्न भएको आशंका एक जनालाई प्रहरीले नियन्त्रणमा लिएको छ । घटनाबारे थप अनुसन्धान भइरहेको छ ।
नेपालीरैबार । २०७९ जेष्ठ २४, मंगलवार