काठमाडौँ । अभिनेत्री आना शर्मा मिडियाबाट गुमनाम जस्तै छिन्। उनी गसिप र चर्चा दुवैबाट टाढा छिन्।

उनको जीवनबारे विभिन्न खाले खबर सार्वजनिक भइरहन्छन्। उनको प्रेम सम्बन्धनबारे पनि बेलाबेला चर्चा भइरहन्छ। आना भने आफ्ना बारेमा आएका कुनै पनि विषयमा टिप्पणी गर्दिनन्।

चुपचाप रहेकी आना के गरिरहेकी होलिन् भन्ने धेरैलाई कौतुहल छ। उनी नयाँ दुई फिल्ममा देखिने तयारीमा छिन्। आना ‘मायाको माया’मा देखिने तयारीमा छिन्।

अर्को फिल्म ‘बदलिँदो आकाश’मा काम गरिरहेकी छन्। मच्छिन्द्र योङ्ग्यले निर्देशन गर्ने यो फिल्म नेपालका साथै भारतको दार्जिलिङ र सिक्किममा छायांकन हुने छ। फिल्ममा अनुप पौडेलले लगानी गर्नेछन्।

यात्राको कथामा निर्माण हुने यो फिल्ममा आनाबाहेक अन्य कलाकार छान्ने काम भइरहेको छ।