सुर्खेत । डा. नवराज केसीद्वारा लिखित कर्णालीका आमाहरुकाे संघर्षमा आधारित कृति ‘शून्यकाे मूल्य’लाई यस वर्षको उत्तम–शान्ति पुरस्कार प्रदान गरिएको छ ।

२०७९ सालभर प्रकाशित कृति मध्येबाट ‘शून्यकाे मूल्य’लाई उत्तम–शान्ति पुरस्कार प्रदान गरिएको बताइएको छ । पुरस्कारको राशि १ लाख रुपैयाँ तथा सम्मानपत्र रहेको छ ।

उत्तम कुँवर स्मारक पुरस्कार गुठीमा प्राप्त गैरआख्यानका साहित्यिक कृतिमध्येबाट छनोट समितिले निर्णय गरेका व्यक्तिलाई पुरस्कार दिइन्छ ।

याे वर्ष सृजनात्मक गैरआख्यान ‘शून्यकाे मूल्य’लाई दिने निर्णय गरिएको गुठीले प्रेस विज्ञप्तिमार्फत जानकारी दिएको छ ।