सुर्खेत । प्रधानमन्त्री एवम् नेकपा (माओवादी केन्द्र) का अध्यक्ष पुष्पकमल दाहाल प्रचण्डले भ्रष्टाचारविरुद्धको लडाइँ सुरु भएको बताएका छन् । बिहीबार वीरेन्द्रनगरमा आयोजित समाजवादी मोर्चाको सन्देश सभालाई सम्बोधन गर्दै प्रधानमन्त्री दाहालले भ्रष्टाचारविरुद्धको लडाइँ नरोकिने पनि बताएका हुन् ।

                वीरेन्द्रनगरमा आयोजित समाजवादी मोर्चाको सन्देश सभा

७ सालदेखी ४६ सम्मका सबै लडाइँ लड्दै थप नयाँ उच्चाईमा हिडेको उनले बताए । प्रचण्डले असफल बनाउन खोज्ने तत्वलाई हराउन समाजवादी मोर्चा बनेको बताउदै अहिलेको यो मार्चामा सबैभन्दा धेरै खुसि आफु भएको बताए । देशमा सुसाशन र समाजवादको कुरामा यो मार्चा एकैठाँउमा रहेको उनले बताए । हिजो सबै लडाइँमा लडेको बताउदैँ यो शक्ति परिवर्तनका लागि एकै ठाँउमा छ, उनले भने, अब बाँकि जिवन देश र जनताको पक्षमा रहेर बिताउछु । साथै उनले हिल्सा सुर्खेत रोड छिदै सञ्चालमा आउने बताए ।

प्रधानमन्त्री प्रचण्डले क्रान्तिकारीहरुले चनाखो र अझ ठूलो मोर्चा बनाउनुपर्ने बताए । कम्युनिस्ट आन्दोलनलगायतका विभिन्न आन्दोलनले नै नेपालमा परिवर्तन ल्याएको बताए । उनले भ्रष्टाचारविरुद्धमा अग्रसर हुँदा कांग्रेस, एमालेलाई लक्षित गरेको भन्ने भनाई सहि नभएको दाबी गरे । माओवादीकै र स्वयं प्रचण्डकै त्यस्तो विषय आएपनि नछोड्न भनिएको उनले बताए । साथै उनले जनयुद्धको आधार इलाका कर्णाली भएजस्तै समाजवादी क्रान्तिको केन्द्र पनि कर्णाली बन्न सक्ने उल्लेख गरे ।

यस्तै नेकपा एकीकृत समाजवादीका अध्यक्ष एवं पूर्व प्रधानमन्त्री माधवकुमार नेपालले समाजवादी शक्ति मिल्नको विकल्प नभएको बताएका छन् । उनले एकलै हिडेर कसैको,पार नलाग्ने र कुनै पार्टीको वहुमत नपुग्ने हँदा समावादी मोर्चा बनाईयो बताए । नेता नेपालले अहिलेको गठबन्धन र सरकारलाई कसैले ढाल्न नसक्ने बताए ।

यो सरकारले जनताको काम गरेर विह्वास जित्ने छ, उनले भने भ्रष्टाचार गरेका कसैलाई छुट दिन हुदैन् । दोषिलाई गहिराइमा भएर अनुसन्धान गर्नुपर्छ । उनले सबै देशभक्त शक्तिलाई एकाबद्ता गर्ने आवश्यक भएको बताए । समाजबादको यो अभियानलाई सबैले साथ दिन आवश्यक भएको बताउदै उनले सरकारमा पनि राम्रो काम गरेर जनताको मन जित्नुपर्ने उल्लेख गरे ।

समाजवादी मोर्चाकाे सरकार ढल्छ कि भन्ने आंकलनहरु पनि भइरहेको भन्दै अध्यक्ष नेपालले सरकार कुनै हालतमा नढल्ने दाबी गरे । कम्युनिष्टहरु मिल्दा गठबन्धन भित्रको दल नेपाली कांग्रेसको मनमा चिसो नभई तातो पसेको उनले बताए ।

यस्तै नेपाल कम्युनिस्ट पार्टी (नेकपा)का महासचिव नेत्रविक्रम चन्द विप्लवले हजारौं सहिदको बलिदानले यो मुलुक यो स्थानमा पुगेको बताए ।

केही तत्वहरूले नेपालीलाई भर्मित पार्ने खोखेको र उपलब्धिलाई कमजोर पार्ने खोजेका बताए । सामन्तवादलाई जनयुद्ध र जनआन्दोलले पछारेको तर जनआन्दोलनको सपना पुरा नभएको बताए । उनले वडामा नक्कलि बाख्राको खोर देखाएर पैसा खाने कम्युनिस्टहरु रहेको बताए । विप्लवले मानव तस्करको ढाड भाचिनेगरि हान्न आवश्यक रहेको बताए । उनले एमसिसि नेपालीको हितमा नभएको उल्लेख गरे ।

महासचिव विप्लवले कम्युनिस्ट पार्टीहरु समाजवादी मोर्चामा आउनुपर्ने बताए । उनले अहिलेसम्म कसैको अधीनमा नरहेको नेपाललाई आफ्नो नियन्त्रणमा राख्ने प्रयास भइरहेको बताए । उनले नेपालमा अर्को क्रान्तिको पुनः आवश्यक रहेको समेत जनाए ।