सुर्खेत । नेकपा एकिकूत समाजवादीका अध्यक्ष एवम् पूर्व प्रधानमन्त्री माधव कुमार नेपालले वर्तमान गठबन्धन सरकार नढल्ने बताएका छन् । आइतबार वीरेन्द्रनगरमा आयोजित समाजवादी जागरण अभियान कार्यक्रममा बोल्दै उनले गठबन्धन सरकार ढल्छ भनेर केहीले चुरिफुरी गरेको भन्दै त्यो नगर्ने निर्देशन दिए ।

पूर्व प्रधानमन्त्री समेत रहेका नेपालले ’नेपालमा भ्रष्टाचारी व्याप्त रहेको बताए । हामीले भ्रष्टाचारविरुद्धको आवाज लिएर पनि जनताको बीचमा आएका छौँ,’ उनले भने,’देशमा भइरहेका बेथितिको विरुद्धमा अभियान चलाउँदै समाजवादी पार्टीलाई जनताको पार्टीका रूपमा स्थापित गराइने छ ।’

न्यायका आवाज बुलन्द गर्दै एकीकृत समाजवादी जनताको बीचमा आएको बताए । उनले जनताकै बीचमा रहेर समाजवादीलाई बलियो पार्टी बनाइने बताए । अध्यक्ष नेपालले माओवादीलाई शान्ति प्रक्रियामा ल्याउनेदेखि राजाको शासनलाई ढाल्न ठूलो संघर्ष गरेको स्मरण गराए । कार्यक्रमा नेकपा एकिकूत समाजवादीका महासचिव घनश्याम भुसाल,उपमहासचिव प्रकाश ज्वालाले सम्बोधन गरेका थिए ।