काठमाडौँ। म्यासेजिङ एप व्हाट्सएपले नयाँ ४ वटा फिचरहरू ल्याएको छ । एपमा नयाँ टेक्स्ट फर्म्याटिङ अप्सन ल्याइएको छ ।

यी फिचरहरूले प्रयोगकर्तालाई म्यासेजलाई अझै राम्रो तरिकाले म्यानेज गर्न सहयोग गर्नेछ । यी नयाँ फिचरमा बुलेट लिष्ट, नम्बर लिष्ट, ब्लक कोट्स, र इनलाइन कोड रहेका छन् ।

यो फिचरले ह्वाट्सएप युजरहरूलाई समय बचतमा सहयोग मिल्नेछ । कुराकानीको स्तरलाई पनि सुधार्ने अपेक्षा गरिएको छ । यसको साथमा एपमा अतिरिक्त टेक्स्ट फर्म्याटिङ अप्सनहरू बोल्ड, इटालिक, स्ट्राइकथ्रु र मोनोस्पेस फर्म्याटङि अप्सन पनि रहनेछन् ।

नयाँ फिचर एन्ड्रोइड, आईओएस, वेब र म्याकका सबै प्रयोगकर्ताहरूका लागि उपलब्ध हुने कम्पनीले पुस्टी गरेको छ । यी नयाँ टेक्स्ट फर्म्याटिङ अप्सन सबै च्यानल एडमिनले चलाउन सक्ने बताइएको छ ।