काठमाडौं। नेपाली बजारमा आज (बिहीबार) सुनको मूल्यले हाल सम्मकै उच्च विन्दुमा पुगेको छ ।
नेपाल सुनचाँदी व्यवसायी महासङ्घका अनुसार बुधबार १ लाख २५ हजार २ सय रूपैयाँमा कारोवार भएको छापावाल सुन आज २६ सय रूपैयाँले बढेर १ लाख २७ हजार ८ सय मूल्यमा कारोवार भइरहेको छ।
आज तेजाबी सुनको मूल्य प्रतितोला १ लाख २७ हजार २ सय रूपैयाँ तोकिएको छ।
बिहीबार चाँदीको मूल्य पनि बढेको छ। बुधबार प्रतितोला १ हजार ५ सय २० रूपैयाँमा कारोवार भएको चाँदी आज ३५ रूपैयाँले बढेर १ हजार ५ सय ५५ रूपैयाँमा कारोवार भइरहेको महासङ्घले जनाएको छ ।
नेपालीरैबार । २०८० चैत्र ८, बिहीबार