काठमाडौं। फिल्म ‘मनबिनाको धन ठुलो कि धनबिनाको मन’ निमार्ण हुने भएको छ । फिल्म को मुख्य भुमिकामा गायक अशोक दर्जी रहने भएका छन् । बालगायक अशोक दर्जीले ‘मनबिनाको धन ठुलो कि धनबिनाको मन’बोलको गीतबाट साङ्गीतिक उडान भरेका थिए । यो गीतका सङ्गीतकार टंक बुढाथोकी हुन् । बुढाथोकीको करियरको पनि यो गीत ‘टर्निङ पोइन्ट’ मानिन्छ ।
फिल्म यही गीतको बोल ‘मनबिनाको धन ठुलो कि धनबिनाको मन’ बाट निर्माण हुने भएको छ । सङ्गीतकार बुढाथोकीले यही नामबाट फिल्म घोषणा गरेका हुन् ।
फिल्मका लागि लेखक शिवम् अधिकारीले बुढाथोकीलाई स्क्रिप्ट समेत दिइसकेका छन् । छिट्टै छायाँकन हुने बताइएको फिल्मको निर्देशक फाइनल भएको छैन ।
फिल्मको मुख्य भूमिकामा अशोक देखिने टंकले बताए । अन्य पात्र छनौटको चरणमा छन् । अन्य कलाकारमा अहिले बजारमा चलेको हुने टंकको भनाई छ ।
अशोकलाई लिएर आफ्नो विषयमा बजारमा विभिन्न भ्रम छन् । त्यो चिर्ने गरेर फिल्म बनाउने टंकले बताए । फिल्म निर्माणमा टंकलाई लण्डन निवासी एनआरएन विनय अधिकारीले साथ दिनेछन् ।
नेपालीरैबार । २०८१ बैशाख ६, बिहीबार