काठमाडौं। मङ्गलवार कार्यबिनायक मन्दिर भैँसेपाटीमा फिल्म ‘एक्टर’को शुभमुहूर्त गरिएको छ । वैदिक विधिबाट पूजापाठ गर्दै फिल्मको शुभमुहूर्त गरिएको हो ।

कार्यक्रममा अभिनेता प्रदीप खड्का, आना शर्मा, दिव्या रायमाझी, दिव्य देव लगायतको सहभागिता थियो ।

फिल्ममा अभिनेता राजवल्लभ कोइरालाको पनि अभिनय रहनेछ । कोइरालाले यसै फिल्मबाट अभिनयमा कमब्याक गर्न लागेका हुन् ।

एक्टर राजन भुसालको निर्देशनमा रहने फिल्म थमन कुमार भण्डारीको लगानीमा निर्माण गर्न लागिएको हो । अदृत फिल्मस्को ब्यानरमा बन्न लागेको फिल्मका सह–निर्मातामा एनिस भुसाल र सार्थक केसी रहेका छन् ।