सुर्खेत ।  तीज पर्वको अवसर पारेर विभिन्न स्रष्टाहरूको सृजना सार्वजनिक हुन थालेका छन् । यसैबीच सुर्खेतका सर्जक नैनसिंह खत्रिको लय शब्द, चर्चित गायिका टिका पुनको स्वरमा ‘मज्जाले नाचिन्छ’ नामक तिज गीत बजारमा आएको छ । गितमा मिना रानाको अभिनय रहेको छ ।

यस्तै अशोक बस्नेतको निर्देशन,हेमन्त कंडेलको छायांकन, मान बहादुर ओलीको सम्पादन रहेको छ । तीज गीत आफ्नो मूल प्रवृत्तिबाट विमुख हुँदै गएको बेला मौलिक सृजनाका लागि आफूले अग्रसरता लिएको खत्रिले जानकारी दिए । तीज गीतको परम्परा र मौलिकतालाई कायम राख्दै गरिएको सृजना श्रोता तथा दर्शकलाई मनपर्ने उनले विश्वास व्यक्त गरे ।