सुर्खेत । कलाकार धर्मराज गिरीको ‘कर्मैमा छैन’ नामक तीज गीत सार्वजनिक भएको छ । सर्जक गिरीको लय/शब्दमा तीजको नयाँ कोशेली बजारमा आएको हो ।

उनले युट्युब च्यानल “धर्मराज गिरी अफिसियल” बाट शनिवार गीत सार्वजनिक गरेका हुन् । गीतमा चर्चित गायिका टीका पुनको आवाज दिएकी छन् भने भिडियोमा मोडेल लक्ष्मी रावतको अभिनय रहेको छ ।

गीतको पोस्ट प्रोडक्सनको काम श्रीनाथ फिल्मस् ले गरेको छ । उक्त तीज गीतको भिडियो सम्पादन तथा कलर ग्रेडिङ निर्मल प्याकुरेलले गरेका हुन् । सुर्खेती सर्जक गिरीले यसअघि पनि थुप्रै तीजका कोशेलीहरु बजारमा ल्याइसकेका छन् ।

गिरीले अघिल्ला वर्षहरुमा बैँशालु उमेर, मेरो सारी मैदानै लर्काउने, युकेको सहरमा किनेको सारी, जुरेली चरिले खायो बरिलै, काकरिको अचार, टल्कियो चोलीमा सितारा लगायतका चर्चित तीजका गीतहरु सार्वजनिक गरिसकेका छन् । ‘कर्मैमा छैन’ बोलको गीतलाई पनि दर्शक श्रोताले विगतका सिर्जनाजत्तिकै रूचाउने विश्वास लिएको सर्जक गिरीले बताए ।