दैलेख । नेकपा (एकीकृत समाजबादी) का केन्द्रीय सदस्य तथा आसन्न हुने महावु गाउँपालिका अध्यक्ष पदका उम्मेदवार जंगबहादुर शाही नेकपा (एमाले) मा प्रवेश गरेका छन् ।
नेकपा एकीकृत समाजवादीको केन्द्रीय समितिको भेला कर्णाली प्रदेशको राजधानी सुर्खेतमा जारी रहँदा शाहीसहितको टोली एमालेमा प्रवेश गरेको हो । आज आयोजित एक कार्यक्रममा एमाले स्थायी कमिटी सदस्य तथा मुख्यममन्त्री यमलाल कँडेलले उनलाई पार्टी प्रवेश गराएका हुन् ।
नेकपा एसको केन्द्रीय सदस्य रहेका शाही गाउँपालिकाको सस्थापक अध्यक्ष समेत हुन् । हक्की स्वभावका जुझारु नेताका रुपमा परिचित उनि आसन्न मंसिर १६ मा हुने स्थानीय तहको उपनिर्वाचनका लागि नेकपा एकीकृत समाजबादीको प्रस्तावित उम्मेदवार हुन् ।
यसअघि पहिलो निर्वाचनमा नेकपा (एमाले)ले जितेको थियो भने दोस्रो कार्यकालको लागि नेपाली काँग्रेसले जित निकालेको थियो । लक्ष्मण गुरुङ्ले जितेका सो ठाउँमा उनको निधन भएपछि उपनिर्वाचन हुन लागेको हो ।
नेपालीरैबार । २०८१ कार्तिक २९, बिहीबार