कालिकोट । कालीकोटमा करेन्ट लागेर एक जनाको मृत्यु भएको छ । जिल्लाको शुभकालीका गाउँपालिका वडा–४ स्थित रारामा करेन्ट लागेर एक जनाको मृत्यु भएको हो ।

सोमबार बिहान विद्युतको पोल चड्ने क्रममा करेन्ट लागेर २६ वर्षीय विरेन्द्र चौलागाईको मृत्यु भएको जिल्ला प्रहरी कार्यालय कालीकोटका प्रहरी प्रमुख टेकबहादुर रावतले जानकारी दिए । साथै घटनाबारे थप जानकारी आउन बाँकी रहेको पनि उनले बताए ।

यता आफन्तले चौलागाई विद्युतका कर्मचारीसँग काम गर्दै आएको बताएका छन् । तर कालीकोट वितरण केन्द्रका कर्मचारी मुना बमले भने आफ्नो कर्मचारी नभएको र के कसरी पोलमा गए त्यसका बारे फिल्डमा रहेका कर्मचारीसँग जानकारी हुने बताएकि छन् ।