हुम्ला ।  हुम्लामा राष्ट्रिय खोप कार्यक्रम सञ्चालन भएको छ ।  स्वास्थ्य तथा जनसङ्ख्या मन्त्रालयअन्तर्गत स्वास्थ्य सेवा विभाग परिवार कल्याण महाशाखा निर्देशन अनुसार राष्ट्रिय खोप कार्यक्रम सञ्चालन भएको हो । यही मङ्सिर ६ गतेदेखि सुरु भएको कार्यक्रम मङ्सिर १६ गतेसम्म सञ्चालन हुनेछ ।

कार्यक्रममा जिल्लाका १२ वर्ष उमेर माथिका, खोप लगाउन छुटेकालाई जनस्वास्थ्य कार्यालय र गाउँपालिकाका स्वास्थ्यकर्मी वडा वडामा गएर खोप लगाउने जिल्लास्थित जनस्वास्थ्य सेवा कार्यालयका अहेव राजु रावतले जानकारी दिए । तीन जना स्वास्थ्यकर्मीसहित प्रत्येक वडामा स्वयंसेविका परिचालन गरिएको उनले बताए ।