
सुर्खेत । नेपाल बजार बिक्रि प्रतिनिधि सघ कर्णाली प्रदेश इकाई कमिटीको आयोजनामा बृहत् बनभोज तथा सांस्कृतिक कार्यक्रम सम्पन्न भएको छ । शनिबार बुलबुले उद्यान सुर्खेतमा नाम्स कर्णालीका अध्यक्ष बिबेक खड्काको अध्यक्षतामा बृहत् बनभोज तथा सांस्कृतिक कार्यक्रम सम्पन्न भएको हो ।
“सम्पुर्ण कम्पनी प्रतिनिधिहरु एक हौँ, उद्योग व्यवसायको रक्षा गरौँ, रोजगारीको सिर्जना गरौँ” भन्ने नाराका साथ उक्त कार्यक्रम आयोजना गरिएको अध्यक्ष बिबेक खड्काले जानकारी दिए । उनका अनुसार मार्केटिङ क्षेत्रमा देखिएका सम्पुर्ण समस्याहरुलाई एकताबद्ध भएर सामना गर्दै अगाढि बढ्ने र आगामी दिनमा सबैलाई समेटेर जाने निर्णय गरिएको छ ।
बृहत् बनभोज तथा सांस्कृतिक कार्यक्रममा नाम्सका केन्द्रिय उपाध्यक्ष हरि प्रसाद ज्ञवाली, केन्द्रिय सदस्यहरु प्रदिप रिमाल, राजन सुवेदी, इकाई सल्लाहकार काशिराम शर्मा, पोषण के.सी., प्रमोद के.सि. लगायत कम्पनी प्रतिनिधिहरुको सहभागिता रहेको थियो । कार्यक्रमको संचालन जगत बहादुर बिष्टले गरेका थिए ।

मनिसा गौतम । २०८१ पुष ६, शनिबार