दाङ । इन्फिनिटी लघुवित्त वित्तीय संस्था लि.केन्द्रीय कार्यालय नवलपरासीको आयोजनामा उत्कृष्टता गुणस्तर व्यवस्थापन AML/CFT प्रशिक्षण सम्पन्न भएको छ । उक्त संस्थाको आयोजनामा बुधबार होटल सिटी पलाजा घोराही १५, दाङमा उत्कृष्टता गुणस्तर व्यवस्थापन प्रशिक्षण (excellence quality management AML/CFT Training) सम्पन्न भएको हो ।

इन्फिनिटी लघुवित्त वित्तीय संस्था लि.का नायव प्रमुख कार्यकारी अधिकृत ज्ञानिश्वर पन्तको सभापतित्वमा भएको कार्यक्रममा मानव संशोधन विभाग प्रमुख प्रभात न्यौपानेको प्रमुख आतिथ्यता रहेको थियो । त्यस्तै कार्यक्रमको संचालन अनुगमन अधिकृत माधव सापकोटाले गरेको थिए । दुधरास अनुगमन कार्यालयको आठ वटा शाखाका २६ जना कर्मचारी तथा शाखा प्रबन्धकहरुको सहभागिता रहेको थियो ।

कार्यक्रममा आठ वटा शाखा प्रवन्धकले शाखाको दोस्रो त्रैमासिक समिक्षा प्रगति विवरण प्रस्तुत गरेका थिए । कार्यक्रम संचालक तथा अनुगमन अधिकृत माधव सापकोटाले आठ शाखाको दोस्रो त्रैमासिक वित्तिय विवरण सहित अनुगमन कार्यालयको आगामी रणनिती समेत प्रस्तुत गरेका हुन् ।

मानव संशोधन विभाग प्रमुख प्रभात न्यौपानेले वित्तिय संस्थाले संचालन गरेका लघुवित्तको बारेमा जानकारी गराउदै निवृती लाइफ इन्सुरेन्स, कर्मचारी विमा तथा कर्जाको लघुबिमाको बारेमा प्रकाश पारेका थिए ।

संस्थाका नायव प्रमुख कार्यकारी अधिकृत ज्ञानिश्वर पन्तले सम्पति शुद्धिकरण तथा निवरण ऐन अन्तर्गत बैँक वित्तिय संस्थालाई जारी गरेको निर्देशनका बारेमा स्पष्ट पारेका हुन् ।