वीरेन्द्रनगर । जिल्ला सहकारी संघ सुर्खेतको नयाँ नेतृत्व चयन भएको छ । सहकारीका नयाँ पदाधिकारी निर्विरोध चयन भएका हुन् । अध्यक्षमा प्रकाश कुमार तिमिल्सेना निर्विरोध निर्वाचित भएको संघका व्यवस्थापक ढाकाराम न्यौपानेले जानकारी दिए । उनका अनुसार नयाँ नेतृत्वमा आउने सबै पदाधिकारीले पदभार ग्रहण समेत गरेका छन् । यस्तै उपाध्यक्षमा गोविन्द प्रसाद शर्मा, महिला उपाध्यक्षमा पवित्रा बुढा, सचिवमा प्रेम कुुमार बि.सी र कोषाध्यक्षमा बल बहादुुर नेपाल विर्विरोध निर्वाचित भएका हुन् ।
यस्तै सदस्यहरुमा सोम प्रसाद दाहाल,कल्पना खत्री,प्रतिमा शर्मा,बम्बा जिसी,शिव प्रसाद कंडेल,लक्ष्मण पौडेल,गोकर्ण बहादुर गुरुग्ग,डाक्टर हरी प्रसाद शर्मा, दिपकराज रोकाय र विष्णुकुमारी खड्का, निर्वाचित भएका छन् । यस्तै लेखा सुपेरिबेक्षणमा, संयोजक जित बहादुर राना सदस्यहरु,चरित्र कुमार विसी र विमला जिसी निर्वाचित भएका छन ।
संघको १४ ओैं वार्षिक साधारण सभा तथा चौथो अधिवेशनले नयाँ पदाधिकारी निर्विरोध चयन गर्न सफल भएको हो । अधिवेशन निर्वाचन समितिका संयोजक दुर्गाप्रसाद सापकोटाले निर्विरोध निर्वाचन सफल गर्न सकारात्मक भुमिका खेल्न सबैलाई धन्यवाद व्यक्त गरे ।
संघका पुर्व अध्यक्ष अमृत कुमार बि.सीले नयाँ नेतृत्वको ४ वर्षको कार्यकालबाट उदारणिय काम हुने अपेक्षा व्यक्त गरे । उनले भने, उत्कृष्ट सहकारी संघको योजना बनाएर अघि बढ्न अनुरोध छ । यसका लागि आवाश्यक पर्ने सहयोग गर्नतयार छौं । युवा र बलियो जागर भएको नयाँ टिम आएकाले संघले केहि फरक काम गर्ने अपेक्षा छ ।
नेपालीरैबार । २०८१ चैत्र १४, बिहीबार