अमेजनका मालिक जेफ बेजोस एक पटक फेरि विश्वको सबैभन्दा धनी व्यक्ति भएका छन् । गत जनवरीमा बेजोसलाई उछिन्दै विद्युतीय कार निर्माता कम्पनी टेस्लाका मालिक एलन मस्क विश्वकै सर्वाधिक धनी व्यक्ति बनेका थिए ।

तर मस्क सो सूचीको शीर्षस्थानमा एक महिना मात्र टिके । जनवरीको सुरुआतको तुलनामा मस्कको कम्पनी टेस्लाको शेयर मूल्यमा २० प्रतिशतले गिरावट आएको छ । टेस्लाको शेयरमा गिरावट आएपछि मस्क विश्वकै सर्वाधिक धनी व्यक्तिको सूचीमा दोस्रो नम्बरमा पुगेका छन् ।