शीर्ष वरियताका नोभाक जोकोभिच युएस ओपन टेनिसको फाइनलमा प्रवेश गरेका छन्।
वर्षका सबै चार ग्रान्डस्लाम जित्ने संघारमा रहेका जोकोभिचले अब उपाधिका लागि दोस्रो वरियताका डानिल मेडभेडेभसँग फाइनलमा प्रतिस्पर्धा गर्ने छन्।
नेपाली समय अनुसार आइतबार बिहान भएको खेलमा जोकोभिचले चौंथो वरियताका जर्मन खेलाडी अलेक्जेन्डर जेरेभलाई ४-६‚ ६-२‚ ६-४‚ ४-६ र ६-२ को संघर्षपूर्ण सेटमा जित निकाले।
उनले फाइनललाई करिअरको अन्तिम खेल सम्झिएर खेल्ने बताए। उनले भने मेरो लागि केवल अब एक खेल बाँकी छ। मेरो शरीर अब पूर्ण रुपमा त्यही खेलका लागि समर्पित हुने छ।
एजेन्सी । २०७८ भाद्र २६, शनिबार