काठमाडौँ । साताको कारोबारको पाँचौं दिन आज बिहीवार सुनचाँदीको मूल्य वृद्धि भएको छ । नेपाल सुनचाँदी व्यवासयी महासंघका अनुसार सुन आज प्रतितोला १३ सय रुपैयाँले बढेको हो । छापावाला सुन आज नेपाली बजारमा तोलामा ९४ हजार रुपैयाँमा कारोबार भइरहेको छ ।

यता तेजावी सुन आज तोलामा ९३ हजार ५ सय रुपैयाँमा कारोबार भइरहेको छ । त्यस्तै चाँदी आज बढेको छ । चाँदी आज प्रतितोला २० रुपैयाँले बढेर तोलामा १२ सय ७० रुपैयाँमा कारोबार भइरहेको महासंघले जनाएको छ ।