सुर्खेत । सुर्खेत प्रहरीले आफ्नै भाईकाे परीक्षा दिने दाजुलाई पक्राउ गरेकाे छ । नेपाल प्रहरीले आह्वान गरिएकाे प्राविधिकतर्फकाे जवान पदकाे परीक्षामा आफ्नै भाईकाे परीक्षा दिने दाजुलाई प्रहरीले पक्राउ गरेकाे हाे । शनिबार लाेक सेवा आयाेगले लिएकाे परीक्षामा सहभागी भएका लक्ष्मीप्रसाद सञ्ज्याल प्रहरीले पक्राउ गरेकाे हाे ।

वीरेन्द्रनगरको श्रीकृष्ण माध्यामिक विद्यालयबाट शनिबार अपरान्ह ४ बजे सञ्ज्याललाई पक्राउ गरिएको जिल्ला प्रहरी कार्यालय सुर्खेतका प्रवक्ता एवम् डिएसपी रामप्रसाद घर्तीले जानकारी दिए । उनकाअनुसार पक्राउ पर्नेमा कनकासुन्दरी गाउँपालिका-८ जुम्ला घर भएका सञ्ज्यालका भाई अग्नी प्रसाद सञ्ज्यालको ठाउँमा परीक्षा दिइरहेका दिए । पक्राउ परेका सञ्ज्याललाई अदालतबाट म्याद थप गरी अनुसन्धान प्रक्रिया भैरहेको प्रहरीको भनाई छ ।