घोडाघोडी । कैलालीकाे घोडाघोडीमा मोटरसाइकल दुर्घटना हुँदा एक जनाको मृत्यु भएको छ। शुक्रबार जिल्लाको घोडाघोडी नगरपालिका-१० पहलवानपुरस्थित पूर्वपश्चिम राजमार्गमा से६प ८५०३ नम्बरको मोटरसाइकल दुर्घटना भएको प्रहरीले बताएको छ।
दुर्घटनामा गम्भीर घाइते भएका मोटरसाइकल चालक घोडाघोडी-९ का २० वर्षीय तपेन्द्र बूढाको सेती अस्पतालमा उपचारका क्रममा हिजो राति मृत्यु भएको जिल्ला प्रहरी कार्यालय कैलालीले जनाएको छ।
त्यस्तै, मोटरसाइकल पछाडि सवार घोडाघोडी-९ कै १५ वर्षीय अभिषेक खड्का र २१ वर्षीय किरण बूढा सामान्य घाइते भएका कार्यालयका प्रवक्ता प्रहरी नायब उपरीक्षक वेदप्रकाश जोशीले बताए । मोटरसाइकल अनियन्त्रित भई बिजुलीको पोलमा ठोक्किएर दुर्घटना भएको उनले बताए ।
नेपालीरैबार । २०७८ चैत्र १२, शनिबार