दक्षिण कोरियाली वायुसेनाको एउटा प्रशिक्षक लडाकु जेट देशको दक्षिणपूर्वी शहर साचियोनमा दुर्घटना हुँदा तीन जनाको मृत्यु भएको छ।

केटी-१ जेट राजधानी सोलबाट करिब ४ सय ४० किलोमिटर दक्षिणपूर्वस्थित साचियोनको धान खेतमा कोरियाली समयअनुसार शुक्रबार दिउँसो १ बजेर ३६ मिनेटमा दुर्घटनाग्रस्त भएको थियो।

उक्त दुर्घटनामा एक जना सिकिस्त भएको बताइएको छ। दुर्घटनामा परेको जेटमा लागेको आगो निभाउन र उद्धारका लागि २ हेलिकप्टर, १४ वटा गाडी र ३५ जना कर्मचारी घटनास्थलमा पठाएका छन्।