सुर्खेत ।
लोक तथा दोहोरी गायक बिष्णु बरालको लोकदोहोरी गीत ‘बन्धन’ बजारमा आएको छ । गुल्मीको मुसीकोट-१ बिसाउन घर भई हाल भारतकोे चण्डिगढ बस्दै आएका बरालको ‘बन्धन’ बजारमा आएको हो ।

बराल विगत १० वाषर्देखि सांगितिक क्षेत्रमा सक्रिय छन् । बरालले करिव तीन दर्जनबढि लोक दोहोरी गीत बजारमा ल्याइसकेका छन् । सानैदेखि गीत संगीतमा रुचि राख्ने बराल प्रवासमा रहेर गीतकार, संगीतकार तथा गायकको रुपमा परिचय बनाएका छन् । भर्खरै मात्र बजारमा आएको ‘बन्धन’ मा स्वर बिष्णु बराल र बिरमला बिसीको छ, भने गीतमा बासुदेब अधिकारीले शब्द भरेका छन् ।

बसन्त लम्सालको संगीत, सुरेश श्रेष्ठको छायांकनमा बनेको गीतको सम्पादन शिव पौडेल र सिना बाँनियाको निर्देशन रहेको छ । गीतमा सारिका केशी, जीवन गुरुङ्ग र गायक बराल अभिनयमा देखा परेका छन् । पानस डिजिटलको व्यानरमा ‘बन्धन’ बजारमा आएको हो ।

गीतमा प्रेमी पे्रमिकाबीचको दरारलाई अगाडि सारिएको छ ।