सुर्खेत । दैलेखको चामुण्डाबिन्द्रासैनी नगरपालिकामा नेपाली काँग्रेसले अग्रता लिएको छ । प्राप्त जानकारी अनुसार ६५८ मतगणना हुँदा मेयरमा नेपाली काँग्रेसका गणेशबहादुर शाहीले २७० मत प्राप्त गरेका छन् ।
उनी कर्णालीका कानुन मन्त्री हिमबहादुर शाहीका छोरा हुन् । त्यहाँ काँग्रेसले गठबन्धनको निर्णय तोडेर उम्मेदवारी दिएको थियो । दोस्रोमा नेपाल मजदुर किसान पार्टीले अग्रता कायम गरेको छ ।
नेमकिपाका बखतबहादुर थापाले २३० मत प्राप्त गरेका छन् भने पहिलो बन्ने दाबी गरेको एमाले तेस्रोमा छ । एमालेका सुर्यबहादुर शाहीले जम्मा १८० मत प्राप्त गरेका छन् ।
यस्तै, उपप्रमुखमा काँग्रेसकी मनसरा कुमारी शर्माले २१६ ल्याएकी छन् भने एमालेकी नन्दा कुमारी बिष्टले २०६ मत ल्याएकी छन् ।
नेपालीरैबार । २०७९ बैशाख ३१, शनिबार