सुर्खेत। जिल्लाको वीरेन्द्रनगरमा मोटरसाइकल एक आपसमा ठोकिँदा दुई जना घाइते भएका छन्। वीरेन्द्रनगर नगरपालिका–१० घुस्राबाट तिनकुनेतर्फ आउँदै गरेको मोटरसाइकल र बजारबाट एयरपोर्टतर्फ जाँदै गरेको मोटरसाइक एकआपसमा ठोक्किएका हुन्।

प्रहरीकाअनुसार माेटरसाइक एकआपसमा ठाेकिँदा कर्णाली प्रदेश ०२००१ प ७६८० नम्बरबको मोटरसाइकल चालक सुसिल गिरी र भे ४ प १३७२ नम्बरको मोटरसाइकल चालक मानबहादुर आले घाइते भएका छन्।

गिरीको दाईने हात र ढाँडमा चोट लागेको छ भने उनि वेहोस अवस्थामा रहेकोले कर्णाली केयर सुर्खेतमा उपचार भईरहेको छ। यस्तै, ठक्करबाट आलेको कुहिना र ढाँडमा चोट लागेको र देउती नर्सिङ होममा उपचार भईरहेको प्रहरीको भनाई रहेको छ।