सुर्खेत । जिल्लाको वीरेन्द्रनगरबाट भ्रष्टाचार मुद्दामा फरार रत्नबहादुर विकलाई प्रहरीले पक्राउ गरेको छ। वीरेन्द्रनगर नगरपालिका–१३ करेखोलाका ४० वर्षीय विकलाई प्रहरीले पक्राउ गरेको हो।

सुर्खेत जिल्ला अदालतको लगत नं. ३३९९ भ्रष्टाचार मुद्दामा २ वर्ष कैद र १४ लाख ३३ हजार ४ सय ३४ रुपैँया जरिवाना तोकिएको छ।

विकलाई जिल्ला प्रहरी कार्यालय सुर्खेतबाट सादा पोशाकमा खटिएको प्रहरी टोलीले उनको घरबाट नियन्त्रणमा लिएको थियो।

विकलाई पक्राउ गरि प्रहरीले सुर्खेत जिल्ला अदालतको जिम्मा लगाएको छ।