काठमाडौं । अफ्रिकी मुलुक युगाण्डाको कारागारका २ सय भन्दा बढी कैदी फरार भएका छन् । युगाण्डाको उत्तर पूर्वी क्षेत्रको कारागारबाट पहाडी क्षेत्रमा रहेको अर्को कारागारमा स्थानान्तरण गर्ने क्रममा उनीहरु फरार भएका हुन् ।
सुरक्षामा खटिएका एक सैनिकको हत्या गरी उनीहरु भाग्न सफल भएका हुन् । भाग्ने क्रममा उनीहरुले सुरक्षाकर्मीहरुको साथबाट १५ वटा बन्दुक र गोली समेत लुटेर लगेको समाचारमा जनाइएको छ ।
कैदीहरुले पक्राउ पर्ने डरले पोशाक नै फालेर नग्न अवस्थामा फरार भएको बर्ताएको छ ।
नेपालीरैबार । २०७७ आश्विन १, बिहीबार